Լևոն Արոնյան. Հաջորդ անգամ մենք կհաղթենք
22:33 3 հունվարի, 2021Հայկական շախմատի առաջատար Լևոն Արոնյանն արձագանքել Airthings Masters օնլայն մրցաշարում երկրորդ տեղը գրավելուն:
«Լավ մրցավազք էր, Պոնչիկ: Հաջորդ անգամ մենք կհաղթենք, ես խոստանում եմ: Շնորհակալ եմ աջակցության համար»,- ֆեյսբուքյան էջում գրել է Արոնյանը՝ հրապարակելով իր շան հետ լուսանկար:
Հիշեցնենք, որ եզրափակիչի 2 ռաունդում հայ գրոսմայստերը պարտվել էր ադրբեջանցի Թեյմուր Ռաջաբովին (2758):
Երկրորդ տեղ գրավելու համար Լևոն Արոնյանը կստանա 40 հազար դոլար պարգևավճար: Փլեյ-օֆֆի նախորդ 2 փուլերում նա պայքարից դուրս էր թողել ամերիկացի Հիկարու Նակամուրային ու ֆրանսիացի Մաքսիմ Վաշյե-Լագրավին:
Airthings Masters-ը Champions Chess Tour մրցաշարի երկրորդ փուլն է: Հաղթողը կստանա 60 հազար ԱՄՆ դոլար պարգևավճար և սեպտեմբերին տեղի ունենալիք Grand Final-ի ուղեգիր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։