Հայաստանի ազգային հավաքականի ավագ Հենրիխ Մխիթարյանը ճանաչվել է իտալական «Ռոմայի»՝ դեկտեմբերի լավագույն ֆուտբոլիստ, hաղորդում է ակումբի մամուլի ծառայությունը:
Երկրպագուների շրջանում անցկացված քվեարկության արդյունքում 31-ամյա կիսապաշտպանը գերազանցել է Ջորդան Վերետուին, Էդին Ջեկոյին, Լեոնարդո Սպինացոլային և Գոնսալո Վիլյարին:
Դեկտեմբերին Հենրիխ Մխիթարյանը «Ռոմայի» կազմում անցկացրած 7 խաղերում դարձել է 2 գոլ և 2 գոլային փոխանցման հեղինակ:
Հիշեցնենք, որ Իտալիայի ընթացիկ առաջնության 14 տուրերում հայ կիսապաշտպանը մասնակցել է 14 խաղի և դարձել 7 գոլի ու 6 գոլային փոխանցման հեղինակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։