Airthings Masters. Լևոն Արոնյանը դուրս եկավ եզրափակիչ

Հայկական շախմատի առաջատար Լևոն Արոնյանը նվաճեց Airthings Masters օնլայն մրցաշարի եզրափակիչի ուղեգիր:

Կիսաեզրափակիչի երկրորդ ռաունդում հայ գրոսմայստերը 2:1 հաշվով ուժեղ գտնվեց ֆրանսիացի Մաքսիմ Վաշյե-Լագրավից, որին հաղթել էր նաև առաջին փուլում (3:1): Առաջին ու երկրորդ պարտիաներն ավարտվեցին ոչ ոքի, իսկ երրորդում սպիտակ ֆիգուրներով հաղթեց Արոնյանը:

Եզրափակիչում Լևոն Արոնյանի մրցակիցը կլինի ադրբեջանցի Թեյմուր Ռաջաբովը, որը պայքարից դուրս թողեց ռուս Դանիիլ Դուբովին: Եզրափակիչի առաջին ռաունդը տեղի կունենա հունվարի 2-ին:

Airthings Masters-ը Champions Chess Tour մրցաշարի երկրորդ փուլն է: Մրցաշարը կավարտվի հունվարի 3-ին: Հաղթողը կստանա 60 հազար ԱՄՆ դոլար պարգևավճար և 2021 թվականի սեպտեմբերին տեղի ունենալիք Grand Final-ի ուղեգիր:

It's Levon Aronian vs. Teimour Radjabov in tomorrow's #AirthingsMasters final after Levon beat MVL 2:1 today (this last game was an epic struggle)! https://t.co/0OInFAwHPC

The 3rd place match will be Dubov-MVL#c24live #ChessChamps pic.twitter.com/kWeJisLe5s

— chess24.com (@chess24com) January 1, 2021