Ցավ եմ զգում` տեսնելով, թե ինչպես են անմեղ մարդիկ դառնում վիրավոր կամ մահանում. Թուրք բասկետբոլիստի նամակը Մխիթարյանին
15:02 29 դեկտեմբերի, 2020NBA-ն ներկայացնող «Փորթլենդ Թրեյլ Բլազերսի» թուրք բասկետբոլիստ Էնես Կանտերը Ինստագրամի իր պաշտոնական էջում տեղադրել է ֆուտբոլի Հայաստանի ազգային հավաքականի առաջատար Հենրիխ Մխիթարյանին գրած նամակը, որով կոչ է արել հայ ֆուտբոլիստին համատեղ պայքարել բռնապետ Էրդողանի դեմ:
«Մանկության տարիներին լավագույն ընկերներիցս մեկը հայ է եղել, և ես շատ բան եմ սովորել նրանից ու նրա ընտանիքից: Կարիերայիս ընթացքում ու NBA-ում աշխատել եմ մարզիչների հայ օգնականների հետ, որոնք շատ օգտակար են եղել ինձ:
Ես զգում եմ քո եւ ժողովրդիդ ցավը եւ աղոթում եմ բոլորիդ համար: Ցավ եմ զգում՝ տեսնելով, թե ինչպես են անմեղ մարդիկ դառնում վիրավոր կամ մահանում:
Ես համառ պայքար եմ մղել ու շարունակում եմ պայքարել Թուրքիայի խելագար վարչակազմի դեմ: Բռնապետ Էրդողանը չի կարող մեզ հաղթել, եթե մենք համախմբվենք ու միասնական գործենք: Այն, թե ինչպես է Էրդողանը գործում ոչ միայն քո երկրի, այլ մնացածի հետ, տհաճ է, հիասթափեցնող ու տխուր:
Քո եւ իմ պես մարդիկ պետք է առաջատար դառնան ու օրինակ ծառայեն:
Մենք պետք է սկսենք խաղաղություն ու կամուրջներ կառուցել եւ ոգեշնչել երիտասարդ սերնդին, որպեսզի նրանք չբախվեն այն նույն խնդիրներին, ինչ մենք:
Բոլորս եղբայրներ և քույրեր ենք՝ մի մեծ ընտանիք: Քո ցավն իմ ցավն է: Միասին ենք այս ամենի միջով անցնում»,- գրել է Կանտերը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։