Եվրոպական խաղերի բրոնզե մեդալակիր Կարեն Տոնականյանը դեկտեմբերի 24-ին Մոսկվայի «Կռիլյա սովետով» արենայում կանցկացնի պրոֆեսիոնալ բռնցքամարտի իր առաջին մենամարտը, հայտնում է Բռնցքամարտի հայկական ազգային ֆեդերացիայի մամուլի ծառայությունը:
Հայ մարզիկի մրցակիցը փոխվել է: Նախապես պլանավորված էր, որ Տոնականյանը պետք է մենամարտի Թայլանդը ներկայացնող Կռայ Սեթապոնի հետ, սակայն կորոնավիրուսի համավարակով պայմանավորված սահմանափակումների պատճառով Սեթափոնը հայտնել էր , որ չի կարողանա հասնել Մոսկվա և մրցաշարի կազմակերպիչ «Գրանդ բոքսինգի» ներկայացուցիչները Տոնականյանի համար գտել են այլ մրցակից: Իր առաջին պրոֆեսիոնալ մենամարտում Տոնականյանը կմրցի բելառուս Անդրեյ Իսաևի հետ, որը ժամանակին եղել է WBF և IBF վարկածներով ինտերկոնտինենտալ գոտու չեմպիոն, նաև WBO վարկածով Ասիայի չեմպիոն:
Տոնականյանի և Իսաևի մենամարտը կմեկնարկի Երևանի ժամանակով ուղիղ 21:00-ին: Նախքան Մոսկվա մեկնելը Տոնականյանը Բռնցքամարտի հայկական ազգային ֆեդերացիայի նախագահ Հովհաննես Հովսեփյանի նախաձեռնությամբ ուսումնամարզական հավաք է անցկացրել Վլադիկավկազում, որտեղ մարզվել է պրոֆեսիոնալ ռինգում հայտնի մարզիչ Վիտալի Սլանովի ղեկավարությամբ, որը նաև WBA և IBF վարկածներով առաջին ծանր քաշային կարգում աշխարհի չեմպիոն Մուրադ Գասիևի մարզիչն է:
Եվրոպական խաղերի բրոնզե մեդալակիր Կարեն Տոնականյանը վաղը Մոսկվայի «Կռիլյա սովետով» արենայում կանցկացնի պրոֆեսիոնալ...
Posted by Բռնցքամարտի Հայկական Ազգային Ֆեդերացիա on Wednesday, December 23, 2020
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։