Սերբիայի մայրաքաղաք Բելգրադում ավարտվող ազատ ոճի ըմբշամարտի աշխարհի գավաթի խաղարկությունում տեղի ունեցավ Վազգեն Թեւանյանի եւ 65 կգ քաշային կարգում մյուս մեդալակիրների պարգեւատրման արարողությունը:
Վազգեն Թեւանյանի պատվին Բելգրադի մարզապալատում հնչեց Հայաստանի հիմնը, ծածանվեց Հայաստանի դրոշը: Բրոնզե մեդալ նվաճած ադրբեջանցի ըմբիշը հրաժարվել էր պատվո հարթակ բարձրանալ: Նրա փոխարեն մեդալը ստացավ ադրբեջանցու մարզիչը:
Այս քաշային կարգում արծաթե մեդալակիր դարձավ Հունգարիան ներկայացնող Իսմայիլ Մուսուկաեւը, բրոնզե մեդալ նվաճեց Ուկրաինայի դրոշի ներքո հանդես եկող Գոռ Հովհաննիսյանը:
Հիշեցնենք, որ 65 կգ քաշայինների եզրափակիչում Եվրոպայի երիտասարդների չեմպիոնը մրցեց 2019 թվականի աշխարհի բրոնզե մեդալակիր, Հունգարիան ներկայացնող Իսմայիլ Մուսուկաեւի հետ եւ հաղթեց 9:1 հաշվով:
Ազատ ոճայիններից Հայաստանի համար արծաթե մեդալ նվաճեց 2019 թվականի Եվրոպայի չեմպիոն Արսեն Հարությունյանը (57 կգ), բրոնզե մեդալ՝ Արման Անրդեասյանը (70 կգ):
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։