Իսպանիայի առաջնության 19-րդ տուրից տեղափոխված խաղում չեմպիոն «Ռեալը» Մադրիդում մրցեց Բիլբաոյի «Աթլետիկի» հետ։
Ֆրանսիացի Զինեդին Զիդանի գլխավորած թիմն առավելության հասավ 3։1 հաշվով։
Արդեն 13-րդ րոպեին հյուրերը մնացին 10 ֆուտբոլիստներով։ Երկրորդ դեղին քարտից հետո հեռացվեց իսպանացի կիսապաշտպան Ռաուլ Գարսիան։
Առաջին խաղակեսի ավելացված ժամանակում հանդիպման հաշիվը բացեց «Ռեալի» գերմանացի կիսապաշտպան Տոնի Կրոսը։
52-րդ րոպեին «Աթլետիկը» վերականգնեց հավասարությունը։ Աչքի ընկավ իսպանացի պաշտպան Անդեր Կապան։
Արքայական թիմին հաղթանակ բերեց ֆրանսիացի հարձակվող Քարիմ Բենզեմայի դուբլը։
«Ռեալը» 13 խաղից հետո 26 միավորով երրորդ տեղում է։ «Աթլետիկը» 13-րդն է՝ 14 միավոր։
Իսպանիայի առաջնություն, 19-րդ տուր
«Ռեալ» - «Աթլետիկ»՝ 3։1
Տոնի Կրոս, 45+1, Քարիմ Բենզեմա, 74, 90+2 - Անդեր Կապա, 52
Հեռացում՝ Ռաուլ Գարսիա («Աթկլետիկ»), 13, երկրորդ դեղին քարտ
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։