Ֆիլիպինցի լեգենդար բռնցքամարտիկ, միջին քաշային կարգում WBA վարկածով աշխարհի չեմպիոն Մենի Պակյաոն հայտնել է, որ ցանկանում է 2 մենամարտ անցկացնել 2021 թվականին: Այս ամիս Պակյաոն ընտրվել էր Ֆիլիպինների իշխող կուսակցության (Ֆիլիպինյան դեմոկրատական կուսակցություն - Ժողովրդի ուժը) նախագահ: Սպասվում է, որ 41-ամյա բռնցքամարտիկը կառաջադրվի 2022-ին անցկացվելիք երկրի նախագահական ընտրություններում։
«Կարծում եմ, որ կկարողանամ 2 մենամարտ անցկացնել հաջորդ տարի: Մենք Ֆիլիպինների Ազգային ժողովում աշխատանքային սեսիաներ ունենք մարտին, այդ պատճառով չեմ ծրագրում մենամարտել այդ շրջանում»,- ֆիլիպինցու խոսքը մեջբերում է BoxingScene-ը:
Ավելի վաղ հայտնի էր դարձել, որ Պակյաոն հանդիպելու է խառը մենամարտերի 2 քաշային կարգերում UFC-ի նախկին չեմպիոն Քոնոր Մաքգրեգորի հետ: Մյուս հավանական մրցակիցն է 33-ամյա ամերիկացի Տերենս Կրոուֆորդը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։