Goal.com. Չինաստանը 16 միլիոն դոլար է առաջարկել Կապելոյին
19:06 16 մարտի, 2012Փետրվարին ֆուտբոլի Անգլիայի հավաքականի գլխավոր մարզչի պաշտոնը լքած իտալացի Ֆաբիո Կապելոն կարող է գլխավորել Չինաստանի հավաքականը, հայտնում է Goal.com-ը:
Կայքի տվյալներով, չինացիները Կապելոյին առաջարկել են երկու տարվա պայմանագիր` տարեկան 8 միլիոն դոլար աշխատավարձով: Կապելոն առայժմ չի պատասխանել: Նա պահանջում է որպես օգնական հրավիրել Ֆրանկո Բալդինիին, ում հետ աշխատել է Անգլիայի հավաքականում եւ Մադրիդի «Ռեալում»:
Չինաստանը որպես այլընտրանքային տարբերակ քննարկում է նաեւ իտալացի Մարչելո Լիպիի թեկնածությունը: Լիպին եւս այժմ գործազուրկ է: Ենթադրվում է, որ Լիպին չինացիներին կպատասխանի Եվրո-2012-ից հետո, քանի որ հնարավոր է թափուր տեղեր բացվեն եվրոպական հավաքականներում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։