ՄՕԿ-ը կրճատել է ծանրամարտի մեդալների քանակն Օլիմպիական խաղերում
14:54 9 դեկտեմբերի, 2020Միջազգային օլիմպիական կոմիտեն (ՄՕԿ) կրճատել է ծանրամարտի մեդալների քանակը 2024թ. Փարիզում կայանալիք ամառային Օլիմպիական խաղերում: Այդ մասին հայտարարել է ՄՕԿ-ի նախագահ Թոմաս Բախը, փոխանցում է tass.ru-ն:
Ռիոյում ծանրամարտի քվոտան 260 մարզիկ էր, Տոկիոյում կլինի 196, իսկ Փարիզում՝ 120: Ծանրամարտում կրճատվել է մեդալների հավաքածուների թիվը՝ 14-ից հասնելով 10-ի: Փարիզի Խաղերում հանվել են 2-ական քաշային կարգեր կանանց ու տղամարդկանց պայքարում:
ՄՕԿ-ը օլիմպիական մեդալների ընդհանուր թիվը կրճատել է 10-ով՝ այն հասցնելով 329-ի: Բոլոր մարզաձևերում կկրճատվի է նաև մասնակիցների թիվը՝ հասնելով 10 500-ի: Դա 600-ով պակաս է Տոկիոյում նախատեսված Օլիմպիական խաղերի մասնակիցների քանակից:
Թոմաս Բախը նաև նշել է, որ Փարիզ-2024 Օլիմպիական խաղերին կմասնակցեն հավասար քանակությամբ կին ու տղամարդ մարզիկներ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։