Լոնդոնի «Արսենալի» իսպանացի գլխավոր մարզիչ Միկել Արտետան խոսել է «Տոտենհեմի» հետ առաջիկա դիմակայությունից իր սպասումների մասին։ Թիմերը կհանդիպեն Անգլիայի առաջնության 11-րդ տուրում։
«Մրցաշարային աղյուսակում ամեն ինչ այսպես է, քանի որ «Տոտենհեմն» ավելի լավ է աշխատել, քան մենք։ Դրա շնորհիվ էլ նրանք այս պահին արժանի են ավելիին։ Մենք ցանկանում ենք վաստակել երեք միավոր եւ կրճատել տարբերությունը։
Կարծում եմ՝ դեռ վաղ է խոսել, թե որ թիմն է այս մրցաշրջանում տիտղոսի գլխավոր հավակնորդը, բայց «Տոտենհեմը» հիմա առաջատարներից մեկն է, քանի որ նրանք ամեն ինչ ճիշտ են անում։ Մենք կանենք այն ամենը, ինչ կարող ենք»,- Արտետայի խոսքը մեջբերում է BBC-ն։
«Տոտենհեմը» 21 միավորով առաջին տեղում է, «Արսենալը» 14-րդն է՝ 13 միավոր։
«Տոտենհեմ» - «Արսենալ» հանդիպումը տեղի կունենա դեկտեմբերի 6-ին եւ կմեկնարկի Երեւանի ժամանակով 20։30-ին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։