Ֆուտբոլի Եվրոպայի լիգայի խմբային մրցաշարի նախավերջին տուրում «Ռոման» տանը կմրցի շվեյցարական «Յանգ Բոյզի» հետ։ Իտալական ակումբի պորտուգալացի գլխավոր մարզիչ Պաուլու Ֆոնսեկան հրապարակել է մեկնարկային կազմը՝ Հայաստանի հավաքականի կիսապաշտպան Հենրիխ Մխիթարյանին թողնելով պահեստայինների թվում։
«Ռոմա»․ Պաու Լոպես, Իբանյես, Կրիստանտե, Ժեզուս, Բրունո Պերես, Վիլյար, Դիավարա, Կալաֆիորի, Պեդրո, Կառլես Պերես, Բորխա Մայորալ։
«Ռոմա» - «Յանգ Բոյզ» հանդիպումը կմեկնարկի Երեւանի ժամանակով կեսգիշերին։
«Ռոման» A խմբում 10 միավորով առաջին տեղում է եւ դեռ անցած տուրում է ապահովել փլեյ-օֆֆի ուղեգիրը։ «Յանգ Բոյզը» 7 միավորով երկրորդն է եւ 3 միավոր առաջ է երրորդ տեղում ընթացող ռումինական «Կլուժից»։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։