«Վուլվերհեմփթոնի» մեքսիկացի հարձակվող Ռաուլ Խիմենեսը վիրահատության է ենթարկվել Լոնդոնի «Արսենալի» Անգլիայի առաջնության 10-րդ տուրի խաղում ստացված վնասվածքի պատճառով, hաղորդում է ակումբի մամուլի ծառայությունը:
Հանդիպման սկզբնամասում Խիմենեսը և «Արսենալի» բրազիլացի պաշտպան Դավիդ Լուիսը բախվել էին իրար՝ ստանալով գլխի վնասվածքներ։ Բրազիլացին կարողացել էր վիրակապած գլխով շարունակել հանդիպումը, իսկ Խիմենեսն ուշագնաց էր եղել և թթվածնային դիմակը դեմքին տեղափոխվել հիվանդանոց։
Խիմենեսի մոտ ախտորոշվել է գանգոսկրի կոտրվածք: Նա վիրահատվել է Լոնդոնում և մի քանի օր կմնա բժիշկների վերահսկողության ներքո:
Հիշեցնենք, որ այդ խաղում «Արսենալը» տնային պարտություն էր կրել 1:2 հաշվով:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։