Անդրեա Պիրլո․ Ռոնալդուն հոգնածություն ունի այսքան հանդիպումներից հետո

21:25   27 նոյեմբերի, 2020

Իտալիայի չեմպիոն Թուրինի «Յուվենտուսի» իտալացի գլխավոր մարզիչ Անդրեա Պիրլոն մեկնաբանել է 35-ամյա պորտուգալացի հարձակվող Կրիշտիանու Ռոնալդուին հանգիստ տալը։ Ֆուտբոլիստը բաց կթողնի «Բենեւենտոյի» դեմ Իտալիայի առաջնության 9-րդ տուրի հանդիպումը։

«Կրիշտիանուի հետ պայմանավորվեցինք, որ նա կհանգստանա, քանի որ հոգնել է այսքան հանդիպումներից հետո։ Մենք նախապես որոշել էինք, որ Ռոնալդուն բաց կթողնի վաղվա հանդիպումը»,- Պիրլոյի խոսքը մեջբերում է թուրինյան ակումբի մամուլի ծառայությունը։

Ընթացիկ մրցաշրջանում Ռոնալդուն «Յուվենտուսի» հետ մասնակցել է 7 հանդիպման, խփել 9 գոլ, կատարել 2 գոլային փոխանցում։

«Բենեւենտո» - «Յուվենտուս» հանդիպումը տեղի կունենա նոյեմբերի 28-ին եւ կմեկնարկի Երեւանի ժամանակով 21։00-ին։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։