«Բարսելոնայի» մարզչական շտաբը համաձայն է աշխատավարձի կրճատմանը

20:52   27 նոյեմբերի, 2020

Իսպանիայի փոխչեմպիոն «Բարսելոնայի» հոլանդացի գլխավոր մարզիչ Ռոնալդ Կումանն ու մարզչական շտաբի մյուս անդամները ընդունել են ակումբի առաջարկը աշխատավարձի կրճատման վերաբերյալ, հաղորդում է Mundo Deportivo-ն։

57-ամյա Կումանը նշել է, որ հասկանում է ակումբում ստեղծված ծանր տնտեսական վիճակը եւ աշխատավարձի կրճատման թեմայով կզրուցի ֆուտբոլիստների հետ՝ հայտնելով, որ միայն նրանց համաձայնությունից հետո կլինի վարձատրության նվազեցում։

Առայժմ ֆուտբոլիստներից աշխատավարձի կրճատմանը համաձայնել են դարպասապահ Մարկ-Անդրե Տեր Շտեգենը, պաշտպաններ Ժերար Պիկեն ու Կլեման Լանգլեն եւ կիսապաշտպան Ֆրենկի Դե Յոնգը։ Վերջերս նրանք երկարաձգել են պայմանագրերը, եւ նրանց աշխատավարձը նվազել է 30 տոկոս։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։