«Բարսելոնայի» նախագահի թեկնածուն ցանկանում է «Կամպ Նոու» ստադիոնն անվանափոխել Մեսիի անունով

15:11   27 նոյեմբերի, 2020

Կատալոնական «Բարսելոնայի» նախագահի թեկնածու Էմիլի Ռուսոն հայտարարել է, որ ընտրություններում հաղթանակ տանելու դեպքում՝ անվանափոխելու է ակումբի ստադիոնը:

«Մենք հանրաքվե կանցկացնենք, որպեսզի «Կամպ Նոու» ստադիոնն անվանափոխենք Լիոնել Մեսիի անունով»,- Ռուսոյի խոսքը փոխանցում է Goal.com-ը:

Հիշեցնենք, որ «Բարսելոնայի» նախագահ Խոսեպ Մարիա Բարտոմեուն և ակումբի տնօրենների խորհրդի անդամները հրաժարական էին ներկայացրել:

Ակումբի նախագահի ընտրությունը տեղի կունենա 2021 թվականի սկզբին:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։