Մեսին, Ռոնալդուն և մարզական աշխարհի շատ այլ ներկայացուցիչներ արձագանքել են Մարադոնայի մահվանը

00:36   26 նոյեմբերի, 2020

Արգենտինայի ազգային հավաքականի ու կատալոնական «Բարսելոնայի» առաջատար Լիոնել Մեսին, «Յուվենտուսի» պորտուգալացի հարձակվող Կրիշտիանու Ռոնալդուն, իտալական «Նապոլին», Մադրիդի «Ռեալը» և շատ այլ ֆուտբոլիստներ ու ակումբներ արձագանքել են արգենտինական ֆուտբոլի լեգենդ Դիեգո Մարադոնայի մահվանը:

«Չափազանց տխուր օր արգենտինացիների ու ֆուտբոլի համար: Նա լքեց մեզ, բայց իրականում մնաց մեզ հետ, քանի որ Դիեգոն հավերժ է:

Ես պահում եմ նրա հետ անցկացրած լավագույն պահերը և ցավակցում եմ Մարադոնայի ընկերներին և հարազատներին»,- գրել է Մեսին Ֆեյսբուքի իր պաշտոնական էջում:

«Այսօր ես հրաժեշտ եմ տալիս ընկերոջս, իսկ աշխարհը հրաժեշտ է տալիս հավերժական հանճարին: Երբևէ լավագույններից մեկը: Նմանը չունեցող հրաշագործ: Նա շատ շուտ է հեռանում, բայց թողնում է ժառանգություն ՝ առանց սահմանների և դատարկության, որը երբեք չի լրացվի: Հանգչիր խաղաղությամբ: Դու երբեք չես մոռացվի»,- գրել է Ռոնալդուն:

«Շնորհակալություն ամեն ինչի համար, Դիեգո»,- գրել է Մարադոնայի նախկին ակումբներից մեկի՝ «Բարսելոնայի» մամուլի ծառայությունը:

«Հաջողություն, Դիեգո»,- Մարադոնայի նկարին կից գրել է լեգենդար ֆուտբոլիստի նախկին ակումբներից «Նապոլիի» մամուլի ծառայությունը:

««Ռեալ Մադրիդի» ղեկավարությունը խորապես հուզված է Դիեգո Մարադոնայի մահվան լուրը լսելուց հետո: Ցավակցում ենք լեգենդար ֆուտբոլիստի ընտանիքին, ընկերներին:

Մարադոնան ֆուտբոլի պատմության լավագույն ֆուտբոլիստներից մեկն է, կուռք՝ միլիոնավոր երկրպագուների համար»,- գրել է Մադրիդի «Ռեալի» մամուլի ծառայությունը:

Կյանքից հեռացել է Դիեգո Արմանդո Մարադոնան Հանգչի՛ր խաղաղությամբ, լեգե՛նդ:

Posted by Football Federation of Armenia on Wednesday, November 25, 2020

Ցտեսություն, հանճար 60 տարեկան հասակում կյանքից հեռացել է ֆուտբոլային սիմվոլ Դիեգո Արմանդո Մարադոնան

Posted by FC Pyunik on Wednesday, November 25, 2020

Un día muy triste para todos los argentinos y para el fútbol. Nos deja pero no se va, porque el Diego es eterno. Me...

Posted by Leo Messi on Wednesday, November 25, 2020

Hoje despeço-me de um amigo e o Mundo despede-se de um génio eterno. Um dos melhores de todos os tempos. Um mágico...

Posted by Cristiano Ronaldo on Wednesday, November 25, 2020


© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։