Իբրահիմովիչ. Կփորձեմ այս մրցանակին արժանանալ նաև 50 տարեկանում
16:47 25 նոյեմբերի, 2020«Միլանի» հարձակվող Զլատան Իբրահիմովիչը Շվեդիայի տարվա լավագույն ֆուտբոլիստ ճանաչվելուց հետո կիսվել է տպավորություններով:
«Ամեն բան հնարավոր է, քանի դեռ դու ցանկանում ու հավատում ես դրան: Սովորաբար ասում են, որ 12-րդ խաղացողը երկրպագուներն են, իսկ ես ստացա 12-րդ «Ոսկե խաղակոշիկը»: Դա նշանակում է, որ այդ մրցանակը երկրպագուների համար է: Ցավալի է, որ նրանց թույլ չեն տալիս մուտք գործել ստադիոն, առանց նրանց շատ տխուր է: Ես չեմ կարող կարիերաս ավարտել դատարկ տրիբունաների ներքո: Ես 39 տարեկան եմ և արժանացա «Ոսկե խաղակոշիկին»: Կփորձեմ նույնը կրկնել նաև 50 տարեկանում»,- 39-ամյա հարձակվողի խոսքը մեջբերում է Aftonbladet-ը:
Հիշեցնենք, որ Իբրահիմովիչը 12-րդ անգամ է արժանանում այդ մրցանակին: 2018-ին և 2019-ին մրցանակը բաժին էր հասել անգլիական «Մանչեսթեր Յունայթեդի» պաշտպան Վիկտոր Լինդելյոֆին:
Ընթացիկ մրցաշրջանում շվեդ հարձակվողը «Միլանի» կազմում մասնակցել է 10 խաղի՝ դառնալով 11 գոլի ու 2 գոլային փոխանցման հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։