ՖԻՖԱ. Տարվա լավագույն գոլի 11 հավակնորդները

14:31   25 նոյեմբերի, 2020

ՖԻՖԱ-ն ներկայացրել է 2020 թվականի լավագույն գոլի մրցանակի 11 հավակնորդներին:

Հունգարացի լեգենդար ֆուտբոլիստ Ֆերենց Պուշկաշի անվան մրցանակին հավակնում են Հյոն Մին Սոնը («Տոտենհեմ»), Կարոլին Վեյրան («Մանչեսթեր Սիթի»), Անդրե-Պյեր Ժինյակը («Տիգրես»), Լեոնել Կանոնեսը («Մակարա»), Զլատկո Յունուզովիչը («Զալցբուրգ»), Սոֆի Ինգլը («Չելսի»), Ջորջիան դե Արասկաետան («Ֆլամենգո»), Շիրլի Կրուզը (Կոստա Ռիկայի հավաքական), Հլոմֆո Կեկանան («Մամելոդի Սանդաունս»), Ջորդան Ֆլորեսը («Դանդոլկ») և Լուիս Սուարեսը («Բարսելոնա»):

ՖԻՖԱ-ն Ֆերենց Պուշկաշի անվան մրցանակը հանձնում է 2009 թվականից: Հաղթողը հայտնի կդառնա երկրպագուների շրջանում անցկացվող օնլայն քվեարկության արդյունքում:

Հիշեցնենք, որ The Best մրցանակաբաշխությունը տեղի կունենա դեկտեմբերի 17-ին: Կորոնավիրուսի համավարակով պայմանավորված սահմանափակումների պատճառով այս տարի մրցանակաբաշխությունը կանցկացվի օնլայն ռեժիմով: Կընտրվեն նաև տարվա լավագույն ֆուտբոլիստը, մարզիչը, դարպասապահը և ֆուտբոլիստուհին:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։