Skilling Open 2020․ Լեւոն Արոնյանը դուրս եկավ քառորդ եզրափակիչ

02:12   25 նոյեմբերի, 2020

Աշխարհի չեմպիոն, նորվեգացի Մագնուս Կարլսենի կազմակերպած արագ շախմատի Skilling Open 2020  օնլայն մրցաշարի 15 տուրից հետո հայկական շախմատի առաջատար Լեւոն Արոնյանը վաստակեց 8,5 միավոր եւ գրավեց 5-րդ տեղը՝ նվաճելով քառորդ եզրափակիչի ուղեգիր։

Նախնական փուլի 16 մասնակիցներից 8-ը շարունակում են պայքարը նոկաուտ մրցակարգով փլեյ-օֆֆում։

Քառորդ եզրափակիչում են նաեւ 9-ական միավոր վաստակած Մագնուս Կարլսենն ու ամերիկացի Հիկարու Նակամուրան, 8,5-ական միավոր վաստակած ամերիկացի Ուեսլի Սոն, ռուսաստանցի Յան Նեպոմնյաշչին, 8-ական միավոր վաստակած ադրբեջանցի Թեյմուր Ռաջաբովը, ֆրանսիացի Մաքսիմ Վաշյե-Լագրավը եւ հոլանդացի Անիշ Գիրին։

Նախնական փուլի վերջին 5 տուրերում Արոնյանը հաղթեց լեհ Կշիշտոֆ Դուդային, Գիրիին, ռուսաստանցի Սերգեյ Կարյակինին, ոչ ոքի խաղաց Նակամուրայի եւ չինացի Դին Լիրենի հետ։

Նոյեմբերի 25-ին անցկացվելիք քառորդ եզրափակիչում Արոնյանի մրցակիցը կլինի Նեպոմնյաշչին, Կարլսենը կմրցի Գիրիի, Նակամուրան՝ Վաշյե-Լագրավի, Ռաջաբովը՝ Սոյի հետ։

Skilling Open 2020 -ի մրցանակային հիմնադրամը 100 հազար դոլար է (հաղթողը կստանա 30 հազար դոլար)։ Այս մրցաշարը Champions Chess Tour-ի (1,5 միլիոն դոլար մրցանակային հիմնադրամ) առաջին փուլն է։ Քառորդ եզրափակիչ դուրս եկած շախմատիստները կմասնակցեն նաեւ հաջորդ փուլի մրցաշարին։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։