Գվարդիոլա․ Մյուս լիգաները միշտ առավելություն են ունենում Պրեմիեր լիգայի նկատմամբ եվրագավաթներում
22:45 24 նոյեմբերի, 2020Անգլիայի փոխչեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան հունական «Օլիմպիակոսի» դեմ Չեմպիոնների լիգայի հանդիպումից առաջ դժգոհել է անգլիական խաղացանկի խտությունից։
«Մյուս լիգաները միշտ առավելություն են ունենում անգլիական Պրեմյեր լիգայի նկատմամբ եվրագավաթային մրցաշարերում։
Այս մրցաշրջանում նաեւ ստիպված ենք եղել հարմարվել կորոնավիրուսի համավարակի պատճառով ստեղծված պայմաններին։
Մենք չենք ունենում ձմեռային դադար, հանդիպումներն ու մրցաշարերը շատ են, ինտենսիվությունը բարձր է, եղանակային պայմաններն ու խաղադաշտերը բարդ են։
Հաղթանակը Չեմպիոնների լիգայում կպչուն միտք չէ։ Մենք ցանկանում ենք ցուցադրել մեր լավագույն խաղը։ Մենք այդ մասին խոսում ենք ամեն մրցաշրջանում։ Այս անգամ էլ կձգտենք նվաճել տիտղոսը»,- Գվարդիոլայի խոսքը մեջբերում է ՈւԵՖԱ-ի մամուլի ծառայությունը։
«Օլիմպիակոս» - «Մանչեսթեր Սիթի» հանդիպումը տեղի կունենա նոյեմբերի 25-ին։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։