Սալահն ապաքինվել է կորոնավիրուսից եւ վերսկսել մարզումները «Լիվերպուլում»
18:45 24 նոյեմբերի, 2020Անգլիայի չեմպիոն «Լիվերպուլի» գերմանացի գլխավոր մարզիչ Յուրգեն Կլոպը պատմել է, որ թիմի եգիպտացի հարձակվող Մոհամեդ Սալահն ապաքինվել է կորոնավիրուսից եւ 10 օրվա ինքնամեկուսացումից հետո վերսկսել է մարզումները ակումբում։
Սալահը կորոնավիրուսի դրական թեստ էր հանձնել Եգիպտոսի հավաքականում։ Հիվանդությունը տարել է առանց ախտանիշի։
«Սալահը մարզվել է եւ լավ տեսք ունի։ Նրա թեստերը բացասական պատասխան են ունեցել։ Նրա կարանտինն ավարտվել է երեք օր առաջ։ Եթե ոչինչ չփոխվի, Սալահը կկարողանա մասնակցել առաջիկա խաղին»,- Կլոպի խոսքւ մեջբերում է անգլիական ակումբի մամուլի ծառայությունը։
Նոյեմբերի 25-ին «Լիվերպուլը» տանը Չեմպիոնների լիգայի չորրորդ տուրի հանդիպումը կանցկացնի իտալական «Ատալանտայի» հետ։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։