Միլանի «Ինտերի» նախկին ֆուտբոլիստ Ռիկարդո Ֆերին խոսել է դանիացի կիսապաշտպան Կրիստիան Էրիկսենի մասին:
«Էրիկսենը տաղանդավոր ֆուտբոլիստ է, դա քննարկման ենթակա չէ, սակայն նա չկարողացավ դրսևորել իրեն «Ինտերում»:
Ակումբն արդեն սկսել է փոխարինող ման գալ Էրիկսենին: Կարծում եմ՝ նա այլ ակումբում կկարողանա վերգտնել իր խաղը»,- Ֆերիի խոսքը փոխանցում է Calciomercato-ն:
Ավելի վաղ հայտնի էր դարձել, որ միլանյան ակումբը փոխարինող է փնտրում 28-ամյա Էրիկսենին: «Ինտերի» ուշադրության կենտրոնում են հայտնվել «Արսենալի» կիսապաշտպան Գրանիտ Ջական և «Մանչեսթեր Յունայթեդի» կիսապաշտպան Ֆրեդը:
Դանիացի ֆուտբոլիստն «Ինտեր» է տեղափոխվել ձմեռային տրանսֆերային պատուհանի ընթացքում Լոնդոնի «Տոտենհեմից»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։