Ռունին խոստովանել է, որ ժամանակին ցանկացել է տեղափոխվել «Բարսելոնա»

Անգլիական «Մանչեսթեր Յունայթեդի» և Անգլիայի ազգային հավաքականի նախկին ֆուտբոլիստ Ուեյն Ռունին նշել է այն ակումբները, որոնք հետաքրքրված են եղել իր ծառայություններով:

«Երբ ես խաղում էի «Մանչեսթեր Յունայթեդում», ինձ ձեռք բերելու ցանկություն ուներ Ժոզե Մոուրինյոյի «Չելսին»: Առաջարկներ ունեի նաև «Ռեալից», «Բարսելոնայից», «Մանչեսթեր Սիթիից»:

Ամենաշատը մտածել եմ «Բարսելոնայի» առաջարկի մասին: Ես ցանկանում էի տեղափոխվել Իսպանիա և խաղալ Մեսիի, Ինիեստայի, Չավիի կողքին, սակայն իմ տեղափոխությունը տեղի չունեցավ»,- Ռունիի խոսքը փոխանցում է Goal.com-ը:

Հիշեցնենք, որ Ռունին «Մանչեսթեր Յունայթեդում» հանդես է եկել 2004-2017 թվականներին: