ԵԱ. Էլիդա Քոչարյանն ու Գայանե Տեր-Բարսեղյանը բավարարվեցին բրոնզե մեդալներով
23:03 20 նոյեմբերի, 2020Չեռնոգորիայի Բուդվա քաղաքում ընթացող բռնցքամարտի Եվրոպայի երիտասարդական առաջնությունում մրցումային 6-րդ օրը տեղի ունեցան կանանց մրցապայքարի կիսաեզրափակիչ մենամարտերը։ Հայաստանն ուներ երկու ներկայացուցիչ՝ 48 կգ քաշային Գայանե Տեր-Բարսեղյանն ու 64 կգ քաշային Էլիդա Քոչարյանը: Երկու բռնցքամարտիկներն էլ պարտվեցին եզրափակիչի ուղեգրի համար պայքարում եւ բավարարվեցին բրոնզե մեդալներով:
Գայանե Տեր-Բարսեղյանը եզրափակիչի ուղեգրի համար պայքարում պարտվեց Իսպանիան ներկայացնող Կարմեն Օրտեգա Գոնսալեզին: Հայաստանի ներկայացուցիչը պայքարը սկսել էր քառորդ եզրափակիչից, որտեղ հաղթել էր ուկրաինուհի Յուլյա Պելեսչուկին:
64 կգ քաշայինների կիսաեզրափակիչում Էլիդա Քոչարյանը պարտվեց Ռուսաստանի ներկայացուցիչ Ազալյա Ամինեւային: Այս քաշային կարգում հայ մարզուհին մեկնարկել էր քառորդ եզրափակիչից, որտեղ հաղթել էր իսպանուհի Պատրիցիա Ամատին:
Հայաստանի երրորդ ներկայացուցիչ, 51 կգ քաշային Արսինե Ծատուրյանը պարտվել էր մեկնարկային մենամարտում:
Նոյեմբերի 21-ին տեղի կունենան տղամարդկանց կիսաեզրափակիչի մենամարտերը: Հայաստանն ունի երեք ներկայացուցիչ՝ 56 կգ քաշային Ռուսլան Ասլիկյան, 60 կգ քաշային Արթուր Սահակյան եւ +91 կգ քաշային Հովհաննես Փափազյան:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.