ԵԱ․ Ֆերդինանդ Կարապետյանը պարտվել է մեկնարկում

21:08   20 նոյեմբերի, 2020

Չեխիայի մայրաքաղաք Պրահայում ընթացող ձյուդոյի Եվրոպայի առաջնությունում Հայաստանի միակ ներկայացուցիչ Ֆերդինանդ Կարապետյանը պարտվել է մեկնարկում եւ դուրս մնացել հետագա պայքարից:

73 կգ քաշայինների պայքարում Կարապետյանը մեկնարկեց որակավորման փուլից, որտեղ մրցակիցը Իտալիայի ներկայացուցիչ Ջիովաննի Էսպոսիտոն էր: 2018թ․ Եվրոպայի չեմպիոնը ամբողջ գոտեմարտի ընթացքում հավասար պայքար էր տանում, սակայն տատամիի մրցավարը երկու նկատողություն տվեց Կարապետյանին: Գոտեմարտի վերջին րոպեին իտալացի ձյուդոիստին հաջողվեց գցում կատարել եւ մեկ միավորի առավելություն ստանալ: Գոտեմարտն ավարվետ 1:0 հաշվով:

Ֆերդինանդ Կարապետյանը Եվրոպայի առաջնությունում սփոփիչ գոտեմարտի հնարավորություն չստացավ, քանի որ Իտալիայի ներկայացուցիչը եզրափակիչ դուրս չեկավ:

Այս քաշային կարգում Եվրոպայի չեմպիոնի կոչումը նվաճեց Մակեդիոնիան ներկայացնող Վիկտոր Ստերպուն: Ռիոյի Օլիմպիական խաղերի չեմպիոն, իտալացի Ֆաբիո Բասիլը նույնպես առանց մեդալի մնաց՝ պարտվելով բրոնզե մեդալի համար գոտեմարտում:

Ձյուդոյի Եվրոպայի առաջնությունն օլիմպիական վարկանիշային է:



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։