Մաուրո Գևգեոզյանի հերթական գոլը Պերուի առաջնությունում

Ֆուտբոլի Պերուի Կլաուսուրայի առաջնության 7-րդ տուրում «Ունիվերսիդադ Կախամարկան» 1:1 հաշվով է ավարտել «Սան Մարտինի» դեմ արտագնա հանդիպումը:

«Ունիվերսիդադ Կախամարկայի» պատասխան գոլը 80-րդ րոպեին խփել է Հայաստանի հավաքականի նախկին հարձակվող Մաուրո Գևգեոզյանը:

Ընթացիկ առաջնության 7 տուրերում 34-ամյա հարձակվողը խփել է 5 գոլ ու երկրորդն է ռմբարկուների ցուցակում:

Հիշեցնենք, որ այս մրցաշրջանի առաջին հատվածում Գևգեոզյանը 10 գոլի հեղինակ էր դարձել Պերուի Ապերտուրայի առաջնության 19 տուրերում:

Մաուրո Գևգեոզյանը Հայաստանի ազգային հավաքականի կազմում 2 ընկերական հանդիպում է անցկացրել 2014-ին։ Նա այս տարվա հունվարին էր միացել «Ունիվերսիդադ Կախամարկային»: Հարձակվողի նախորդ ակումբն էր Արգենտինայի առաջին դիվիզիոնում հանդես եկող «Տեմպերլեյը»: