NBA-ի աստղը բաց կթողնի երկրորդ մրցաշրջանն անընդմեջ

15:14   20 նոյեմբերի, 2020

Բասկետբոլի ազգային ասոցիացիայի (NBA) նախորդ չեմպիոն «Գոլդեն Սթեյտի» առաջատարներից Կլեյ Թոմփսոնը բաց կթողնի 2020/2021թթ. մրցաշրջանը, hաղորդում է ակումբի մամուլի ծառայությունը:

30-ամյա ամերիկացի բասկետբոլիստը թիմի մարզմանը աքիլեսյան ջիլի ծանր վնասվածք է ստացել երկկողմանի հանդիպման ժամանակ: Թոմփսոնը չի կարողացել խաղահրապարակը լքել ինքնուրույն:

Հիշեցնենք, որ NBA-ի եռակի չեմպիոնը նախորդ մրցաշրջանը բաց էր թողել ծնկի խաչաձև կապանների պատռվածքի պատճառով: Նախորդ անգամ նա պաշտոնական հանդիպման մասնակցել է 2019-ի հունիսի 14-ին:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։