Երևանի «Ուրարտուի» սեփականատեր Ջևան Չելոյանցն աջակցել է ֆուտբոլի Ռուսաստանի հավաքականի գլխավոր մարզիչ Ստանիսլավ Չերչեսովին:
«Վաղուց եմ ծանոթ Չերչեսովի հետ, թեև վերջին շրջանում տարբեր պատճառներով չեմ հաղորդակցվում նրա հետ: Սերբերի դեմ խաղի արդյունքը սարսափելի էր հավաքականի համար, սակայն ես կցանկանայի աջակցել Չերչեսովին:
Ոչ մի դեպքում պետք չէ նրան հանել պատասխանատվությունից, սակայն պետք է հասկանալ, որ վերջին տարիներին օգտակար շատ բան է արվել ազգային թիմի համար, և հիմա ոչ մի դեպքում չի կարելի մոռանալ այդ մասին: Պետք է հետևություններ անել Բելգրադում տեղի ունեցած խաղից և նայել ապագային: Չերչեսովը պետք է հանգիստ շարունակի աշխատանքը՝ նվազագույնը մինչև Եվրոպայի առաջնության ավարտը»,- Չելոյանցի խոսքը մեջբերում է Sport24-ը:
Հիշեցնենք, որ Ազգերի լիգայի խմբային փուլի վերջին՝ 6-րդ տուրում Ռուսաստանի հավաքականը 0:5 հաշվով պարտվել էր սերբերին ու երկրորդ տեղը գրավել B դիվիզիոնի երրորդ խմբում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։