Ազգերի լիգա. Հայաստանի հավաքականի 2 ֆուտբոլիստներ՝ խորհրդանշական հավաքականում (ֆոտո)
00:44 20 նոյեմբերի, 2020Հայաստանի ազգային հավաքականի ֆուտբոլիստներ Ալեքսանդր Կարապետյանը և Տիգրան Բարսեղյանը WhoScored-ի վարկածով ընդգրկվել են Ազգերի լիգայի C դիվիզիոնի երկրորդ խմբի խորհրդանշական հավաքականում:
Ղազախական «Աստանայի» կիսապաշտպան Բարսեղյանը ստացել է թիմում երկրորդ ամենաբարձր գնահատականը՝ 7.4: Ռուսական «Տամբովի» հարձակվող Կարապետյանի գնահատականը 6.9 է:
Հիշեցնենք, որ Տիգրան Բարսեղյանը Ազգերի լիգայի խմբային փուլում ամենաշատ գոլային փոխանցում կատարած ֆուտբոլիստն է: 6 տուրերում նա դարձել է 4 գոլային փոխանցման ու մեկ գոլի հեղինակ: Ալեքսանդր Կարապետյանը ևս խփել է մեկ գոլ:
Ազգերի լիգայի վերջին՝ 6-րդ տուրում Հայաստանի հավաքականը նվազագույն հաշվով հաղթել էր Հյուսիսային Մակեդոնիային և, 11 միավորով գրավելով առաջին տեղը, նվաճել B դիվիզիոնի ուղեգիր: Հյուսիսային Մակեդոնիան 9 միավորով գրավեց երկրորդ տեղը, Վրաստանը հավաքեց 7 միավոր, իսկ Էստոնիան՝ 3:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։