Ջոնել Դեսիրեն՝ «Ուրարտուի» լավագույն ֆուտբոլիստ
19:15 19 նոյեմբերի, 2020«Ուրարտուի» հարձակվող Ջոնել Դեսիրեն երկրպագուների շրջանում անցկացված հարցման արդյունքում ճանաչվել է երևանյան ակումբի՝ մրցաշրջանի առաջին հատվածի լավագույն ֆուտբոլիստ:
Լավագույն խաղացողի կոչման հավակնորդների թվում էին նաև Արսեն Բեգլարյանը, Հակոբ Հակոբյանը, Դմիտրի Գուզը և Ուգոչուկվու Իվուն։
«Այս մրցանակի համար առաջին հերթին շնորհակալ եմ թիմակիցներիս, նրանց շնորհիվ եմ կարողացել գոլեր խփել ու արժանանալ այս մրցանակին։ Մրցաշրջանում մեր գլխավոր նպատակն է գավաթակիր ու առաջնության չեմպիոն դառնալը, կփորձեմ ավելի շատ աշխատել, որպեսզի հնարավորինս օգտակար լինեմ թիմին, ինչպես նաև անհատական լավ ցուցանիշներ գրանցեմ։ Այս մրցանակը շարժառիթ է ինձ համար, կաշխատեմ արդարացնել բոլոր սպասելիքները»,- Դեսիրեի խոսքը մեջբերում է «Ուրարտուի» մամուլի ծառայությունը:
Հիշեցնենք, որ Ջոնել Դեսիրեն «Ուրարտու» էր տեղափոխվել այս տարվա ամռանը։ Անցկացրած 6 խաղերում հարձակվողը դարձել է 6 գոլի հեղինակ և միանձնյա գլխավորում է Հայաստանի առաջնության լավագույն ռմբարկուների ցուցակը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։