Ֆուտբոլի Ազգերի լիգայի խմբային փուլի վերջին՝ 6-րդ տուրում C դիվիզիոնի երկրորդ խմբում ընդգրկված Հայաստանի ազգային հավաքականը նոյեմբերի 18-ին Կիպրոսի մայրաքաղաք Նիկոսիայի GSP ստադիոնում ուժերը չափեց Հյուսիսային Մակեդոնիայի հետ և հաղթանակ տարավ նվազագույն՝ 1:0 հաշվով:
Հանդիպման առաջին խաղակեսում թիմերին չհաջողվեց բացել խաղի հաշիվը: 24-րդ րոպեին Հայաստանին հաշվի մեջ առաջ մղելու հնարավորություն ունեցավ Ալեքսանդր Կարապետյանը, սակայն մրցակցի դարպասապահ Սիսկովսկուն հաջողվեց հետ մղել հարվածը:
55-րդ րոպեին Հայաստանի հավաքականի միակ ու հաղթական գոլը խփեց Հովհաննես Համբարձումյանը:
Խմբի մյուս խաղում Վրաստանն ու Էստոնիան գոլազուրկ ոչ ոքի խաղացին:
Այսպիսով, Հայաստանի հավաքականը C դիվիզիոնի երկրորդ խմբում 11 միավորով գրավեց առաջին տեղը: Հյուսիսային Մակեդոնիան 9 միավորով մրցաշարային աղյուսակի երկրորդ տեղում է: Վրաստանը ունի 7 միավոր և երրորդ տեղում է, իսկ Էստոնիան 3 միավորով վերջին՝ չորրորդ տեղում է:
Մակեդոնացիների նկատմամբ հաղթանակը Հայաստանի հավաքականին հնարավորություն տվեց Ազգերի լիգայի հաջորդ մրցաշարում բարձրանալ B դիվիզիոն, որտեղ մրցակիցները կլինեն անհամեմատ ավելի ուժեղ:
Ազգերի լիգա, 6-րդ տուր
C դիվիզիոն
Երկրորդ խումբ
Հայաստան - Հյուսիսային Մակեդոնիա՝ 1:0
Հովհաննես Համբարձումյան, 55
Մի քանի կադր առաջին խաղակեսից #Հայաստան #Armenia #ArmenianNT #UNL #NationsLeague #ARMMKD
Posted by Football Federation of Armenia on Wednesday, November 18, 2020
Հարված ➡ ԳՈԼ #Հայաստան #Armenia #ArmenianNT #UNL #NationsLeague #ARMMKD
Posted by Football Federation of Armenia on Wednesday, November 18, 2020
ՀՊԱՐՏՈւԹՅՈւՆ
Posted by Football Federation of Armenia on Wednesday, November 18, 2020
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։