EWF-ը հաստատեց ծանրամարտի Եվրոպայի առաջնության նոր ժամկետները

14:46   18 նոյեմբերի, 2020

Ծանրամարտի Եվրոպայի առաջնությունը կանցկացվի ապրիլի 3-11-ը Մոսկվայում, հայտնում է Ծանրամարտի եվրոպական ֆեդերացիայի (EWF) մամուլի ծառայությունը:

Եվրոպայի առաջնությունը Ռուսաստանի մայրաքաղաքում պետք է տեղի ունենար ապրիլին, սակայն կորոնավիրուսի համավարակի պատճառով հետաձգվել էր մինչև հունիս։ Ամռանը ևս հնարավոր չեղավ անցկացնել մրցաշարը։

Հիշեցնենք, որ Եվրոպայի առաջնությունն օլիմպիական վարկանիշային մրցաշար է։ Կորոնավիրուսի պանդեմիայի պատճառով Տոկիո-2020 Օլիմպիական խաղերը հետաձգվել են մեկ տարով և կանցկացվեն 2021թ. հուլիսի 23-ից օգոստոսի 8-ը: 

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։