«Բարսելոնայի» եւ Իսպանիայի հավաքականի 18-ամյա հարձակվող Անսու Ֆատին չի կարողանա օգնել կատալոնական թիմին մի քանի ամիս։ Իսպանիայի առաջնության 9-րդ տուրի խաղում Ֆատին ստացել է ձախ ծնկահոդի ներքին մենիսկի վնասվածք։
Եթե հնարավոր լինի չհեռացնել մենիսկը, ապա ապաքինման համար կպահանջվի մինչեւ չորս ամիս, հաղորդում է AS-ը։ Հեռացման վիրահատության դեպքում, վերականգնումը կտեւի մինչեւ երկու ամիս։ Սակայն մենիսկի հեռացման հետեւանքով հետագայում կարող են առաջանալ ծնկահոդի աճառային հյուսվածքի խնդիրներ։
Հիշեցնենք, որ 9-րդ տուրում հոլանդացի Ռոնալդ Կումանի գլխավորած թիմը 5։2 հաշվով հաղթել է «Բետիսին» եւ 7 խաղից հետո 11 միավորով 8-րդ տեղում է։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։