Փարիզ. Նադալը դուրս եկավ կիսաեզրափակիչ

00:40   7 նոյեմբերի, 2020

Աշխարհի երկրորդ ռակետ Ռաֆայել Նադալը դուրս եկավ Փարիզում անցկացվող «Մասթերս» շարքի մրցաշարի կիսաեզրափակիչ:

Քառորդ եզրափակիչում իսպանացի թենիսիստը 3 սեթում ուժեղ գտնվեց իր հայրենակից Պաբլո Կարենյո Բուստայից՝ 4:6, 7:5, 6:1: Մրցախաղը տևեց 2 ժամ 15 րոպե:

Եզրափակիչի ուղեգիրը Նադալը կվիճարկի Ստեն Վավրինկա (Շվեյցարիա) – Ալեքսանդր Զվերև (Գերմանիա) զույգի հաղթողի հետ: Կիսաեզրափակիչի մյուս զույգը կազմել են ռուս Դանիիլ Մեդվեդևը և կանադացի Միլոշ Ռաոնիչը:

Հիշեցնենք, որ Փարիզի մրցաշարի առաջին մրցախաղում 34-ամյա Նադալը 1000-րդ հաղթանակն էր տարել կարիերայում:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։