Հայաստանի հավաքականում խաղացած դարպասապահը մեկնել է ռազմաճակատ

Չարենցավանի «Վանի» դարպասապահ, ֆուտբոլի Հայաստանի երիտասարդական հավաքականի նախկին խաղացող Հենրի Ավագյանը մեկնել է ռազմաճակատ, hաղորդում է ակումբի մամուլի ծառայությունը:

«Քիչ առաջ մեր դարպասների պաշտպան Հենրի Ավագյանը մեկնեց պաշտպանելու Արցախը, արցախցիների և ամբողջ հայ ազգի ապրելու և կամքի ազատ արտահայտման իրավունքը։ Բարով վերադառնաս»,- ասվում է «Վանի» հայտարարությունում:

Հիշեցնենք, որ Հենրի Ավագյանը Հայաստանի ազգային հավաքական էր հրավիրվում 2020թ. Եվրոպայի առաջնության ընտրական փուլի ու Ազգերի լիգայի նախորդ մրցաշարի խաղերին: Նա ազգային թիմի կազմում նորամուտը նշել է 2018 թվականի նոյեմբերին՝ մասնակցելով Լիխտենշտեյնի հավաքականի դեմ Ազգերի լիգայի խմբային փուլի վերջին տուրի հանդիպմանը (2:2):