Չեմպիոնների լիգա. 20-ամյա Սուլեյմանովը՝ շաբաթվա լավագույն գոլի հեղինակ
20:09 6 նոյեմբերի, 2020Ռուսական «Կրասնոդարի» կիսապաշտպան Մոգամեդ Սուլեյմանովը ճանաչվել է Չեմպիոնների լիգայի խմբային մրցաշարի երրորդ տուրի լավագույն գոլի հեղինակ, hաղորդում է ՈւԵՖԱ-ի մամուլի ծառայությունը:
Լավագույնն է ճանաչվել 20-ամյա ռուս ֆուտբոլիստի տուգանային հարվածով խփած գոլն իսպանական «Սևիլիայի» դեմ արտագնա խաղում (2:3):
Շաբաթվա լավագույն գոլի մրցանակին հավակնում էին նաև Լաուտարո Մարտինեսը («Ինտեր»), Լուիս Դիասը («Պորտու») և Ալեսան Պլեան («Բորուսիա Մ.»):
Հիշեցնենք, որ Չեմպիոնների լիգայի խմբային մրցաշարի երրորդ տուրի լավագույն ֆուտբոլիստ էր ճանաչվել անգլիական «Լիվերպուլի» պորտուգալացի հարձակվող Դիեգու Ժոտան, որը հեթ-տրիկի հեղինակ էր դարձել իտալական «Ատալանտայի» դեմ արտագնա խաղում (5:0):
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։