Ռուսական «Խիմկիի» նախկին գլխավոր մարզիչ Դմիտրի Գունկոն կգլխավորի Երևանի «Նոան», հաղորդում է ակումբի մամուլի ծառայությունը:
44-ամյա ռուս մասնագետը սեպտեմբերին էր հեռացվել «Խիմկիի» գլխավոր մարզիչի պաշտոնից, որը զբաղեցնում էր այս տարվա օգոստոսից: Գունկոն երկար տարիներ աշխատել է «Մոսկվայի» սպարտակի տարբեր տարիքային թիմերում:
Նոյեմբերի 5-ին Դմիտրի Գունկոն հանդիպել է «Նոա» ակումբի ֆուտբոլիսների ու աշխատակիցերի հետ, որից հետո տեղի է ունեցել «Նոայի» առաջին մարզումը նրա գլխավորությամբ։
Հիշեցնենք, որ «Նոայի» գլխավոր մարզիչի պաշտոնը թափուր է Իգոր Պիկուշչակի հեռանալուց հետո: Մոլդովացի մասնագետը վերջերս գլխավորել էր Ռուսաստանի առաջին դիվիզիոնում (Ֆուտբոլի ազգային լիգա) հանդես եկող Տոլյատիի «Ակրոնը»:
Իգոր Պիկուշչակը նախորդ մրցաշրջանից առաջ էր գլխավորել «Նոան», որը նրա գլխավորությամբ դարձավ Հայաստանի փոխչեմպիոն, գավաթակիր ու սուպերգավաթակիր: 37-ամյա մասնագետը նաև ճանաչվել էր Հայաստանի՝ 2019/2020 մրցաշրջանի լավագույն մարզիչ:
ՊԱՇՏՈՆԱԿԱՆ․ Դիմիտրի Գունկոն՝ «Նոա» ակումբի նոր գլխավոր մարզիչ «Նոա»-ի նոր գլխավոր մարզիչ է նշանակվել է ռուսաստանցի...
Posted by FC Noah on Thursday, November 5, 2020
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։