A Սերիա. Մխիթարյանը լավագույնն է գոլային փոխանցումների ցուցանիշով

14:33   5 նոյեմբերի, 2020

«Ռոմայի» կիսապաշտպան Հենրիխ Մխիթարյանն Իտալիայի ընթացիկ առաջնությունում առաջատար է գոլային փոխանցումների ցուցանիշով:

A Սերիայի մեկնարկային 6 տուրերում Հայաստանի ազգային հավաքականի ավագը կատարել է 4 գոլային փոխանցում: Նրան հաջորդում են 6 ֆուտբոլիստներ, որոնք այս մրցաշրջանում կատարել են 3-ական արդյունավետ փոխանցում:

Հիշեցնենք, որ Իտալիայի ընթացիկ առաջնությունում 31-ամյա Մխիթարյանն անցկացրել է 6 հանդիպում, գոլի հեղինակ դեռ չի դարձել: Իտալիայի նախորդ առաջնությունում նա մասնակցել էր 22 խաղի՝ դառնալով 9 գոլի ու 5 գոլային փոխանցման հեղինակ:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։