Աշխարհի նախկին առաջին ռակետ Սերենա Ուիլյամսն իր 3-ամյա դուստր Օլիմպիային գրանցել է թենիսի մարզումների: Ամերիկացի թենիսիստուհին խոստովանել է, որ մարզիչը չգիտի, թե ով է երեխայի մայրը:
«Օլիմպիային գրանցել եմ թենիսի դասերի: Ես նրան թենիսի դասեր չեմ տալիս, այլ տարել եմ այլ մարզիչի մոտ: Սակայն այդ կինը նույնիսկ գաղափար չունի, որ Օլիմպիան իմ դուստրն է: Տեսնենք, թե ինչպես կստացվի: Ես նման չեմ չափազանց հոգատար մոր, ինչ էլ որ չասի Ալեքսիսը»,- Սերենա Ուիլյամսի խոսքը մեջբերում է Tennis World-ը:
Հիշեցնենք, որ Սերենա Ուիլյամսի ամուսինն ամերիկահայ գործարար Ալեքսիս Օհանյանն է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։