Հարի Քեյնը՝ Պրեմիեր լիգայի պատմության լավագույն ռմբարկուների տասնյակում

Լոնդոնի «Տոտենհեմի» անգլիացի հարձակվող Հարի Քեյնը, գոլի հեղինակ դառնալով «Բրայթոնի» դեմ Անգլիայի առաջնության 7-րդ տուրի խաղում, Պրեմիեր լիգայում գոլերի քանակը հասցրել է 149-ի:

27-ամյա անգլիացին հավասարվել է Պրեմիեր լիգայի պատմության լավագույն ռմբարկուների ցուցակում 10-րդ տեղը զբաղեցնող Լես Ֆերդինանդին: Քեյնի առաջիկա մրցակիցն է Մայքլ Օուենը, որը դարձել է 150 գոլի հեղինակ, իսկ ցուցակը 260 գոլով գլխավորում է անգլիացի լեգենդար հարձակվող Ալան Շիրերը:

Պրեմիեր լիգայի պատմության լավագույն ռմբարկուների տասնյակում միայն Հարի Քեյնը և «Մանչեսթեր Սիթիի» արգենտինացի հարձակվող Սերխիո Ագուերոն են գործող ֆուտբոլիստներ:

Պրեմիեր լիգայի պատմության լավագույն ռմբարկուները

1. Ալան Շիրեր- 260 գոլ
   2. Ուեյն Ռունի - 208
   3. Էնդի Քոուլ - 187
   4. Սերխիո Ագուերո - 180
   5. Ֆրենկ Լեմպարդ - 177
   6. Թյերի Անրի - 175
   7. Ռոբի Ֆաուլեր - 163
   8. Ջերմեյն Դեֆո - 162
   9. Մայքլ Օուեն - 150
   10. Հարի Քեյն և Լես Ֆերդինանդ - 149-ական