«Այաքսի» 11 ֆուտբոլիստների մոտ կորոնավիրուս է հայտնաբերվել Չեմպիոնների լիգայի խաղից առաջ

00:06   3 նոյեմբերի, 2020

Ամստերդամի «Այաքսի» 11 ֆուտբոլիստների մոտ կորոնավիրուս է հայտնաբերվել դանիական «Միտյուլանդի» դեմ Չեմպիոնների լիգայի խմբային փուլի երրորդ տուրի հանդիպումից առաջ, հաղորդում է RTL.de-ն:

Հոլանդական ակումբը Դանիա է մեկնել 17 ֆուտբոլիստով: Չի նշվում, թե «Այաքսի» որ խաղացողներն են վարակվել կորոնավիրուսով: «Այաքսի» կազմում մնացել է միայն մեկ դարպասապահ՝ Կյել Սհապենը, որը ոչ մի հանդիպում չի անցկացրել գլխավոր թիմում:

«Միտյուլանդ» - «Այաքս» հանդիպումը տեղի կունենա նոյեմբերի 3-ին և կմեկնարկի Երևանի ժամանակով կեսգիշերին:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։