Դուգլաս Լիմա. Գեղարդ Մուսասին լավագույններից մեկն է այս քաշային կարգում

16:40   31 հոկտեմբերի, 2020

Բրազիլացի Դուգլաս Լիման անդրադարձել է Bellator-ի միջին քաշային կարգում չեմպիոնի տիտղոսը նվաճած, Հոլանդիայում բնակվող MMA-ի հայ մարտիկ Գեղարդ Մուսասիի հետ մենամարտին, որտեղ նա պարտվել էր միավորներով:

«Ես շատ ուշ մտա պայքարի մեջ: Այս պայքարում հարգանը չափազանց շատ էր: Այժմ ես կպաշտպանեմ կիսամիջին քաշային կարգում իմ չեմպիոնական գոտին, բայց այս քաշում դեռ չեմ ավարտել իմ գործերը: Դարձյալ կպայքարեմ միջին քաշային կարգի գոտու համար: Ես մենամարտում էի այս քաշային կարգում աշխարհի լավագույնն մարտիկներից մեկի հետ: Ես շատ բան կսովորեմ այս մենամարտից և կվերադառնամ ավելի ուժեղ»,- բրազիլացի մարտիկի խոսքը մեջբերում է MMA Junkie-ն:

Հիշեցնենք, որ Bellator-ի միջին քաշային կարգի չեմպիոնական գոտին թափուր էր, քանի որ գործող չեմպիոն, ամերիկացի Ռաֆայել Լովատոն առողջական խնդիրների պատճառով ժամանակավորապես ավարտել է կարիերան:

35-ամյա Մուսասին նախորդ մենամարտն անցկացրել էր 2019-ի սեպտեմբերին՝ Լոս Անջելեսում կայացած Bellator 228 մրցաշարում ռևանշի հասնելով բրազիլացի Լիոտո Մաչիդայի նկատմամբ: Հայ մարտիկը չեմպիոնական գոտին կորցրել էր նախորդ տարվա հունիսին կայացած մենամարտում՝ պարտվելով Ռաֆայել Լովատոյին:



© 2021 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։