Լոնդոնի «Տոտենհեմի» գլխավոր մարզիչ Ժոզե Մոուրինյոն անդրադարձել է ուելսցի հարձակվող Գարեթ Բեյլին, որը վերջերս էր Մադրիդի «Ռեալից» վերադարձել անգլիական ակումբ:
«7 տարին երկար ընդմիջում է: Աշխարհի ո՞ր ֆուտբոլիստը չի փոխվել 7 տարում: Երբեմն դրանք բոլորովին այլ խաղացողներ են: «Տոտենհեմը» պետք է ընդունի դա: Նայեք, օրինակ, Ռոնալդուին ու Մեսիին և համեմատեք 7 տարի առաջ նրանց ցուցադրած խաղի հետ: Կարծում եմ՝ փոփոխություններ տեղի են ունենում ֆուտբոլիստների մեծամասնության հետ:
Բեյլը շատ է աշխատում, նա դառնում է ավելի լավը: Նա ոչ մի րոպե բաց չի թողել մարզումներին: Նրա համար դեռ բարդ է 90 րոպե անցկացնել խաղադաշտում: Հուսով եմ, որ շուտով Գարեթը կվերադառնա իր նախկին մակարդակին»,- մարզիչի խոսքը մեջբերում է Goal.com-ը:
Հիշեցնենք, որ 31-ամյա Բեյլը 2013-ին էր «Տոտենհեմից» տեղափոխվել «Ռեալ»: Այս տրանսֆերային պատուհանի ընթացքում «Տոտենհեմը» վարձակալեց նրան:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։