Պիրլո. «Բարսելոնան» «Յուվենտուսին» գերազանցում է իր զարգացմամբ

16:27   29 հոկտեմբերի, 2020

Թուրինի «Յուվենտուսի» գլխավոր մարզիչ Անդրեա Պիրլոն մեկնաբանել է Չեմպիոնների լիգայի խմբային փուլի երկրորդ տուրում կատալոնական «Բարսելոնայից» կրած տնային պարտությունը 0:2 հաշվով:

«Մենք գիտեինք, որ բարդ հանդիպում է լինելու մի թիմի դեմ, որը կարողանում է ֆուտբոլ խաղալ ու գերազանցում է մեզ իր զարգացմամբ: Նրանք ունեն ֆուտբոլիստներ, որոնք սովոր են խաղալ այսպես, իսկ մեր խաղացողներից շատերն ընդամենը երկրորդ խաղն էին անցկացնում Չեմպիոնների լիգայում: Կարծում եմ՝ այս հանդիպումը կօգնի մեզ աճել: Հույս ունեմ, որ մեր առանցքային խաղացողները շուտով կվերադառնան թիմ, քանի որ բարդ է մի քանի խաղ անընդմեջ անցկացնել նույն կազմով: Արտուրը, Ռաբիոն, Բենտանկուրը և մյուսները դեռ շատ երիտասարդ են, և մենք ցանկանում ենք փորձ հավաքել, որպեսզի կարողանանք հնարավորինս շուտ հավասար պայքար մղել «Բարսելոնայի» պես թիմերի դեմ»,- իտալացի մասնագետի խոսքը մեջբերում է ՈւԵՖԱ-ի մամուլի ծառայությունը:

Հիշեցնենք, որ Չեմպիոնների լիգայի առաջին տուրում կատալոնական ակումբը 5:1 հաշվով հաղթել էր հունգարական «Ֆերենցվարոշին», իսկ իտալական թիմը 2:0 հաշվով ուժեղ էր գտնվել Կիևի «Դինամոյից»:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։