Խառը մենամարտերի (MMA) մարտիկ Դավիթ Խաչատրյանը մենամարտ կանցկացնի տևական ընդմիջումից հետո:
Դեկտեմբերի 25-ին Մոսկվայում կայանալիք Fight Nights Global մրցաշարում հայ մարտիկը ուժերը կչափի ռուս Ալեքսեյ Մախնոյի հետ:
32-ամյա Դավիթ Խաչատրյանը MMA-ում անցկացրել է 28 մենամարտ, տարել 24 հաղթանակ ու կրել 4 պարտություն: Ալեքսեյ Մախնոն տարել է 19 հաղթանակ ու կրել 8 պարտություն:
Դավիթ Խաչատրյանը նաև պատմել է, որ պատրաստ է պայմանագիր կնքել Fight Nights-ի հետ:
«Համաձայն եմ պայմանագիր կնքել Fight Nights-ի հետ: Եթե պարտվեմ Մախնոյին, ամեն դեպքում կլինի ռևանշ: Մրցակցիս մասին գիտեմ, որ նա հարվածային մարտիկ է: Ինձ շատերն են առաջարկել մենամարտել, բայց ես ընտրել եմ Fight Nights-ը: Հայաստանում գրեթե չկա MMA, միայն մեկ ակումբ»,- Fight Nights-ի մամուլի ծառայության հետ հարցազրույցում ասել է Դավիթ Խաչատրյանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։