Գեղարդ Մուսասին ու Դուգլաս Լիման կշռվել են (ֆոտո)
09:09 29 հոկտեմբերի, 2020Bellator-ի միջին քաշային կարգում նախկին չեմպիոն, Հոլանդիայում բնակվող MMA-ի հայ մարտիկ Գեղարդ Մուսասին ու բրազիլացի Դուգլաս Լիման կշռվել են մենամարտից առաջ: Տեղի է ունեցել նաև հայացքների մենամարտը:
Գեղարդ Մուսասիի և Դուգլաս Լիմայի միջև չեմպիոնական մենամարտը տեղի կունենա հոկտեմբերի 29-ին ԱՄՆ-ի Կոնեկտիկուտ նահանգի Անկասվիլ շրջանում: Հաղթողը կնվաճի Bellator-ի միջին քաշային կարգի չեմպիոնական գոտին, որը թափուր է: Գործող չեմպիոն, ամերիկացի Ռաֆայել Լովատոն առողջական խնդիրների պատճառով ժամանակավորապես ավարտել է կարիերան:
35-ամյա Մուսասին նախորդ մենամարտն անցկացրել է 2019-ի սեպտեմբերին՝ Լոս Անջելեսում կայացած Bellator 228 մրցաշարում ռևանշի հասնելով բրազիլացի Լիոտո Մաչիդայի նկատմամբ: Հայ մարտիկը չեմպիոնական գոտին կորցրել էր նախորդ տարվա հունիսին կայացած մենամարտում՝ պարտվելով Ռաֆայել Լովատոյին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։