Նուրմագոմեդովը նշել է այն բրազիլացի ֆուտբոլիստներին, որոնց հետ կցանկանար հանդիպել
14:54 28 հոկտեմբերի, 2020Խառը մենամարտերի թեթև քաշային կարգում չեմպիոն, ռուսաստանցի Խաբիբ Նուրմագոմեդովը խոսել է բրազիլական ֆուտբոլի մասին և նշել այն ֆուտբոլիստներին, որոնց հետ կցանկանար հանդիպել:
«Ես ֆուտբոլի մեծ երկրպագու եմ: Մի օր ես կմեկնեմ Բրազիլիա և կհանդիպեմ հրաշալի ֆանատների ու ֆուտբոլիստների հետ:
Ես հիացել եմ 1998-2002 թվականների Բրազիլիայի հավաքականի խաղով և կցանկանայի հանդիպել Ռոմարիոյի, Բեբետոյի, Կաֆուի, Տաֆարելի, Ռոբերտո Կառլոսի, Ռիվալդոյի, Ռոնալդինյոյի, Ռոնալդոյի, Ռոկե Ժունիորի և Կակայի հետ»,- ասել է Նուրմագոմեդովն Ինստագրամում ուղիղ եթերի ժամանակ:
Նշենք, որ Խաբիբ Նուրմագոմեդովը ջերմ հարաբերություններ ունի Թուրինի «Յուվենտուսի» և Պորտուգալիայի հավաքականի առաջատար Կրիշտիանու Ռոնալդուի հետ և հաճախ է հանդիպում պորտուգալացի ֆուտբոլիստի հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։