Միհրան Հարությունյանն այսօր կժամանի Երեւան եւ կմեկնի Արցախ

12:43   28 հոկտեմբերի, 2020

Ռիոյի Օլիմպիական խաղերի փոխչեմպիոն, MMA մարտիկ Միհրան Հարությունյանն այսօր կժամանի Հայաստան եւ կմեկնի Արցախ։ Այս մասին NEWS.am Sport-ի թղթակցին ասաց օլիմպիական փոխչեմպիոնը։

«Կանեմ հնարավոր ամեն ինչ մարդկանց օգնելու եւ ինձ համար կարեւոր եռագույնի երեք գույներին աջակցելու համար»,- ասաց Միհրան Հարությունյանը։

Միհրան Հարությունյանը Արցախ է մեկնում հումանիտար օգնություն ցուցաբերելու նպատակով։ Նրան կմիանա արդեն Երեւանում գտնվող MMA մարտիկ, ռուսաստանաբնակ Էդուարդ Վարդանյանը։ 

Ավելի վաղ, NEWS.am Sport-ի հետ զրույցում Էդուարդ Վարդանյանը նշել էր, որ այցի  նպատակը Արցախին, տեղի բնակչությանը, հիվանդանոցներին հումանիտար օգնություն ցուցաբերելն է։

Սեպտեմբերի 27-ից Ադրբեջանի զինված ուժերը, կոպտորեն խախտելով միջազգային մարդասիրական իրավունքի գործող նորմերը եւ հակամարտության լուծման խաղաղ բանակցային գործընթացի տրամաբանությունը, օգտագործելով հրթիռահրետանային միջոցներ եւ ավիացիա, շփման գծի ամբողջ երկայնքով անցել են հարձակման՝ թիրախավորելով Արցախի Պաշտպանության բանակի մարտական դիրքերը, խաղաղ բնակավայրեր, այդ թվում՝ մայրաքաղաք Ստեփանակերտը, Շուշին, շրջկենտրոններ: Կողմերը 3 անգամ համաձայնության են հասել հումանիտար հրադադարի վերաբերյալ, սակայն այն չի պահպանվում։

Լուսինե Շահբազյան



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։