Կատալոնական «Բարսելոնայի» նախկին նախագահ Խոսեպ Մարիա Բարտոմեուն խոսել է հրաժարական տալու պատճառների մասին:
«Չեմպիոնների լիգայում «Բավարիայից» կրած պարտությունից հետո լավագույն որոշումը հրաժարական տալն էր, սակայն կային խնդիրներ, և ես որոշեցի պաշտոնավարումը շարունակել ևս մի քանի ամիս:
Եթե ես հեռանայի ամռանը, ապա ո՞վ պետք է իրականացներ տրանսֆերները, ո՞վ պետք է նոր մարզիչ հրավիրեր:
Այո, ակումբը ճգնաժամի մեջ է: Ընտրությունները նախատեսված էին անցկացնել մարտին, սակայն մենք այն կանցկացնենք հնարավոր ամենակարճ ժամանակում»,- Բարտոմեուի խոսքը փոխանցում է «Բարսելոնայի» մամուլի ծառայությունը:
Հիշեցնենք, որ «Բարսելոնան» Խոսեպ Մարիա Բարտոմեուի և տնօրենների խորհրդի անդամների հրաժարականի մասին հայտարարեց հոկտեմբերի 27-ին:
Խոսեպ Բարիա Բարտոմեուն «Բարսելոնայի» նախագահի պաշտոնում աշխատանքը սկսել էր 2014 թվականից՝ Սանդրո Ռոսելի հրաժարականից հետո:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։